الشات مفيد ولا مضر

انا طبعا زى اى شاب بحب اكلم بنات ولما اكون فاضى و ماعنديش حد فاتح على الميل بدخل على شات الياهو و بتعرف على ناس فلما اتكلم على الغرفه الرئيسيه طبعا بتكلم على طبيعتى بتكلم زى ما اهلى علمونى انى اتكلم بصراحه و بادب و بتلكم مع الشباب اللى على الغرفه و لما نتكلم فتره اختار منهم المحترم واكلمه و اتعرف عليه و نكون اصدقاء بس للاسف مش بلاقى حد يرضى يكلمنى من الشباب الا القليل فكرت كتير و لقيت ان السبب انى اسمى محمد بس العيب مش فى الاسم العيب انى ولد يعنى شباب الشات بيدخلوا الشات بس عشان يتعرفوا على البنات و للسبب ده اكتر حد بكلمه على الشات هما البنات لأن القليل من الشباب من يوافق انى اتشرف واتعرف بيه يعنى انا لما اقول لشاب انى اسمى محمد يصعق و لا يستطيع تحريك يده للكتابه بس يا ترى ليه الشباب لما بيدخل على الشات عشان يكلم البنات بس ؟ انا فكرت فى الموضوع ده كتير واكتشفت ان تقاليدنا هى السبب لاننا ننظر لعلاقة الولد بالبنت انها غلط من غير ما نشوف هما بيعرفوا بعض ليه و انا مش هاكدب عليكم انا كنت قبل ما ادخل الكليه كنت بشوف ان الكلام مع البنات مش كويس يعنى انه غلط لما اكلم بنت لانى خلاص كبرت بس لما دخلت الكليه لقيت بجد انى لازم اكلم البنات بطريقه او باخرى يعنى انى لما احتاج محاضره او شيت فان احسن واحد آخد منه هما البنات لانهم بنات ( يعنى منظمين - خطهم كويس ............) بس انا مش قصدى انى عاوز ان البنات تصاحب الاولاد اللى اقصده ان العلاقه بين الشباب و البنات لا يجب ان تخرج عن اطار الزماله وان خرجت فانها تصبح حب و تكون فى احدى مراحله الزواج ( فالحب لا يمكن ان ينتهى بالزواج و ان انتهى بالزواج فانه لم يكن ابدا حب ) لم نجب على السؤال لماذا يحب الشباب التحدث الى البنات خاصة مع قليل من التفكير وجدنا ان الله قد خلقنا هكذا لذلك نجد ان الاطفال من الجنس اللطيف يتقربن للرجال و لكن لماذا لا تبحث البنات عن علاقه مع الشباب لماذا لا تفعل البنات هكذا ؟ لماذا الشباب فقط ؟ ايضا مع القليل من التفكير وجدت انهن لا يفعلن ذلك وذلك لان الشباب قد فعل قبل ذلك وهو من قام بالبحث عنهن يعنى هما مش محتاجين لانهم بيلاقوا الشباب عاوز يكلمهم باى طريقه وكما يقولون يمتنعن وهن الراغبات


نيجى لفوائد الشات
الشات طبعا كمعظم الاشياء لها فوائد كما لها اضرار ففوائد الشات انك تتعرف على اشخاص من جميع بقاع الارض و قد تكون تلك المعرفه مهمة لك و تؤثر على حياتك مدى الحياة و ايضا تعلمك كيفية التعامل مع اى شخص مهما كان حسب طريقة كلامه فانت تتحدث مع اشخاص من جميع الفئات و الطبقات العلميه و الثقافيه و الفكريه



اما اضرار الشات
فانت قد تسمع كلام مهين يجرح احساسك و كرامتك و قد تجد من يبحث عن امراة متزوجه لاغراض دنيئه و اضرار الشات كثيره لا يسعنا الوقت لذكرها

ولكن الغريب فى الامر ان كلمة احبك اسهل كلمة ممكن ان تقال على الشات
فهل وصل بنا الحال ان نستهزأ بشئ سامى كالحب لتلك الدرجه

هل تريد ان تتغير

ان التغير شئ لا بد منه و لكن متى عليك ان تتغير

هل عليك ان تتغير بعد ان تخسر كل شئ؟

يجب عليك ان تقوم بعمل مراجعه لحياتك كل فتره

عليك ان تحدد ما تبحث عنه

عليك ان تتحور لتلائم التغرات الحديثه

فاذا كنت فى الكليه عليك ان تنظم حياتك لتلائم الكليه

فهى مختلفة تماما عن الثانويه العامه

ففى الكليه تتعرف على اشخاص بتفكير مختلف ومن بيئة مختلفه

و لكن ما عليك فعله فى تلك الحياة ان تكسب زوجة و صديق

فكر مره فى حياتك دون صديق تجده بجوارك اثناء الازمات

و حياتك بلا زوجه تكون راحة و سكنا لك بعد التعب

حقا كما يقولون لا حياة بدون صديق و لكن الاهم انه لا حياة بلا زوجة تكون حبيبتك

و لكن كيف يمكنك ان تغير حياتك

هل يمكنك ان تغير حياتك بين يوم وليله

ان التغيير لشئ صعب و لكن لكى يكون شئ سهل عليك ان تفكر فيما قد يحدث اذا لم تغير

حياتك الى الافضل

هكذا تجد الامور سهلة